A iniciativa deuse en chamar Degusta Solidariedade. Detrás dela esataba a empresa Asistogal, que organizou unha cea cocktail no Casino da Toxa para recadar fondos para Cáritas con destino aos máis necesitados do Grove. Alá se xuntaron cociñeiros como Pepe Solla, Javier Olleros e Beatriz Sotelo entre outros, todos eles do Grupo Nove, ademáis do campión galego de corte de xamón, José Manuel Cid. Gastronomía de altura para unha iniciativa solidaria.
As primeiras xornadas enogastronómicas do Albariño e a vieira organizadas polo Concello de Cambados os días 16 e 17 de marzo permitironnos ver a dous fenómenos da cociña das Rías Baixas como Pepe Solla e Yayo Daporta man a man nun ‘showcooking’ único. Dous produtos da terra, dous artistas da cociña galega e un sumiller da casa, David Barco: unha combinación perfecta.
Pepe Solla será o representante galego na final do mes de maio no ‘Chef Millesime’. O cociñeiro falou con Ponte.tv e deixouno ben claro. A identidade galega, a paisaxe do país e o produto autótono non se poden disociar da súa cociña: “Se te invitan a dar unha comida e non mostras de onde es e quen es, malo”. Máis clariño non se pode ser.
O escenario foi o restaurante ‘Pepe Vieira’. E os artistas Pepe Solla, Xosé Torres Cannas e Marcelo Tejedor: os tres tenores da cociña galega. O motivo da reunión? Celebrar que Pepe Solla está entre os finalistas do prestixioso premio ‘Chef MIllesime’. Esta é unha peza a coro.
© 2013 Ponte.tv. Alguns dereitos reservados.
Suscribirse
Síguenos!
Faite fan!