Rafael Louzán presentou hoxe o novo portal da Deputación de Pontevedra www.depo.es. O portal esta feito para os cidadáns e salientouse o facilidade na navegación a través de nova organización conseguindo unha interface intuitiva e moi limpa.
Este e o vídeo que fixemos en colaboración con Publigal para a presentación da nova web da Deputación de Pontevedra.
O presidente da Deputación de Pontevedra Rafael Louzán, mostrou as virtudes da provincia de Pontevedra no stan de Galicia en Fitur. Destacou os 600 kilómetros de litoral, mais de 300 praias, unha costa navegable todo o ano, mais de 5.000 prazas de amarre nos 40 portos deportivos. Tamén fixo referencia ao turismo termal, e de unha gastronomía e viticultura das mellores do mundo. Javier Guillén destacou a importancia de “La Vuelta” non so como evento deportivo de alto nivel, senón [...]
O Museo de Pontevedra vén de inaugurar unha exposición antolóxica da obra do pintor Manuel Aramburu. Comisariada por Celestino Lores e apoiada pola Deputación, a escolma recolle traballos que percorren toda a traxectoria vital do artista. Un home que atopou a beleza entre os cascallos. Até o vindeiro 20 de xaneiro, no Sexto Edificio.
Concello e Deputación, Deputación e Concello aproveitaron a presenza hoxe na cidade do director xeral de Unipublic, Javier Guillén, para facer público o que xa levaba tempo sendo imposible manter agochado. Tal e como xa adiantara o Diario de Pontevedra, ‘La Vuelta’ 2013 sairá dunha batea, concretamente dunha batea de Vilanova de Arousa, e Pontevedra terá a súa etapa. En total serán catro etapas na provincia de Pontevedra, as primeiras da carreira.
Dende o pasado 4 de outubro até o vondeiro 11 de novembro, as salas de exposición temporais do Sexto Edificio do Museo de Pontevedra acollen a mostra Purificación García, Premio Bienal de Fotografía. A escolma que amadriña a deseñadora de moda de Ourense reúne as obras seleccionadas e premiadas na novena edición deste certame.
A Consellería de Presidencia, Administracións Públicas e Xustiza, o Instituto Galego de Vivenda e Solo, e a Deputación Provincial de Pontevedra, renovaron esta mañá o convenio de colaboración coa Confederación Galega de Persoas con Discapacidade (Cogami) para o estudo de accesibilidade nos colexios electorais da provincia de Pontevedra.
A Deputación de Pontevedra certificou hoxe a eliminación da paga extra de Nadal para os funcionarios do organismo provincial grazas á maioría absoluta do PP e coa oposición do PSdeG e do BNG. O debate no Pleno provincial, seguido dende as bancadas por numerosos traballadores, converteuse nun recordatorio das distintas políticas económicas seguidas dende o Goberno Central ao respecto dos empregados públicos. O Pleno convertiuse tamén no escenario para a toma de posesión do novo deputado provincial do PPdeG Fernando Guitián, alcalde de Gondomar.
Os mariñeiros afectados pola negociación con Mauritania desembarcaron hoxe de xeito simbólico na Deputación de Pontevedra para protestar pola demora nas axudas e pola postura oficial da Unión Europea sobre este caladoiro africano. O desembarco apenas durou unhas horas, pero os mariñeiros, a través de Xabier Aboy, de CIG Mar, teñen moitas preguntas sen resposta por parte do Goberno Central e da comisaria europea de Pesca Damanaki.
Representantes dos máis diversos sectores da sociedade pontevedresa uníronse a pasada semana para escenificar e facer público o seu rexeitamento á decisión da Deputación de Pontevedra de convertir o Museo de Pontevedra nun servizo máis do ente provincial tras aprobar a eliminación do seu actual status.
O presidente da Deputación de Pontevedra, Rafael Louzán, acompañado polos vicepresidentes José Manuel Figueroa e Xosé Crespo, presentou onte os orzamentos da institución para o ano 2012 que acadan os 152,7 millóns de euros, 15,7 máis que o ano pasado.
Xa estivemos nos xardíns de Soutomaior cando recibiron a calificación de Xardín de Excelencia Internacional por parte da Sociedade Internacional da Camelia. Pero decidimos profundizar. Por este motivo falamos con Carmen Salinero, doutora en Bioloxía que desenvolve a súa actividade profesional na Estación Fitopatolóxica do Areeiro da Deputación de Pontevedra e a presidenta da Sociedade Española da Camelia, un arbusto que en Pontevedra e Galicia convértese en árbore e cunha flor da que se extraen aceites e té.
© 2013 Ponte.tv. Alguns dereitos reservados.
Suscribirse
Síguenos!
Faite fan!