O Pontevedra sobreponse a unha xenialidade de Padín

O Pontevedra C. F. acadou na tarde de onte un traballado triunfo ante a SCD Órdenes por 2 goles a 1. O equipo de Milo Abilleira tivo que remontar un gol en contra despois dunha xenialidade de Carlos Padín no tramo final da primeira parte. A acción do catoirense, vello coñecido da grada granate, puxo en pé a todo Pasarón.  A segunda parte do encontro, na que o equipo coruñés perdeu a Padín por lesión e a Fiuza e a Álvaro por expulsión, foi un monólogo do Pontevedra C. F. e Lorenzo un espectador máis do partido. A acción do empate chegou despois dunha xogada ben elaborada e dun certeiro remate de cabeza de Manu Barreiro. A partir de ahí, foi cuestión de tempo o gol da victoria, que se produxo á saída dun córner moi protestado polos xogadores da SCD Órdenes. Pablo Ruíz estivo impecable no remate. O Pontevedra suma un novo triunfo para non descolgarse dos postos de promoción de ascenso.

 
 

 

1 Comentario

  1. Manuls di:

    Excepcional resumo. As miñas felicitaciones ao equipo que o fixo.

Deixa un Comentario

 
 




 

 

Redes sociais